ДРАМА: Јастреб ја испуштил фатената змија на глава на жена – змијата ја каснала, а потоа јастребот ја нападнал
Жена од Тексас била нападната од јастреб и змија во исто време, откако птицата случајно и ја испуштила змијата на глава, јавува Би-би-си.
Пеги Џонс ја косела тревата минатиот месец кога јастреб случајно и го испуштил пленот на главата и налутено се обидел да го „повлече“.
Во меѓувреме, змијата се обвила околу раката на жената и почнала да ја гризе по лицето, додека јастребот ја удирал со клунот и канџите.
„Додека се обидував да ја откинам змијата од раката, таа само се завитка околу мене. Ме гризна за лицето. Потоа се појави јастреб, ја зграпчи змијата и силно ја истргна, но кога не можеше да ја откине, почна да ме боде со канџите и клунот“, изјави Џонс.
По кратка борба, јастребот успеал да го извади пленот и да одлета, по што Џонс била однесена во болница од нејзиниот сопруг.
„Имаше убодни рани, исеченици, гребаници и модринки“, рече таа, додавајќи дека нападот бил многу трауматичен и дека мислела дека ќе умре, а по нападот имала проблеми со спиењето.
Како што истакна таа, во руралните области на Тексас, средбите со диви животни не се невообичаени.
„Порано сум видел јастреби како фаќаат змии. Така го убиваат својот плен“, изјави Џонс.
