Десетмина пред суд по заплената на пет тони марихуана во Србија – Тошковски најави кривични пријави
Истрагата за петте тони марихуана откриени во Србија добива судска разрешница, откако десет лица се приведени и изведени пред судија на претходна постапка. За дел од нив е определена мерка притвор, додека постапката продолжува во надлежното обвинителство.
Осомничените се товарат дека учествувале во транспортот на марихуаната од Македонија кон Србија. Министерот за внатрешни работи Панче Тошковски во интервју за ТВ21 информираше дека во текот на денот ќе започне поднесување на кривична пријава до Основното јавно обвинителство за гонење организиран криминал и корупција.
„Во текот на денешниот ден ќе се отпочне со поднесување кривична пријава до ОЈО за гонење организиран криминал и корупција, која опфаќа 10 лица. Од нив двајца се веќе во притвор. Овие 10 лица се директно или индиректно поврзани со произведена дрога. Денеска ќе биде поднесена кривична пријава. Имаме основани сомненија дека тие лица се поврзани со транспортот на дрогата која беше запленета во Србија“, изјави Тошковски.
Надлежните институции продолжуваат со истрагата за утврдување на сите околности поврзани со случајот и евентуалната вмешаност на други лица.
