Данокот на кучињата и донесе на Германија 414 милиони евра

Во Германија е соборен рекорд во сумата собрана од данокот за кучиња, а лани изнесувал 414 милиони евра со раст од 3,3 отсто во 2022 година.

Според податоците на Федералното биро за статистика (Дестатис), општините минатата година наплатиле даноци од 414 милиони евра од сопствениците на кучиња.
Приходите од данокот за кучиња во Германија се зголемени за 44 отсто во последните десет години.

Во 2012 година општините наплатиле 288 милиони евра данок за кучињата.

Дестатис во соопштението наведе дека се повеќе луѓе поседуваат кучиња, особено за време и по пандемијата на Ковид-19.

Во соопштението се наведува дека во многу општини сумата што треба да ја платат сопствениците на кучиња зависи од бројот на кучиња во куќата или од расата на кучињата.
Годишниот износ и структурата на надоместокот за кучиња ги утврдува надлежната општина.

Во Германија секоја година се плаќа данок за кучиња. Сопствениците на кучиња кои нема да поднесат даночни пријави или да плаќаат даноци во земјата може да бидат казнети.