Бројни пекарски производи се повлекуваат од продажба: Откриен опасен пестицид во брашно!
Од хрватскиот пазар се повлекуваат бројни пекарски производи произведени во Австрија поради забранетиот пестицид.
Забранетиот пестицид хлорпирифос бил откриен во брашно преработено во различни пекарски производи во Австрија, а суровината, спорната пченица, пристигнала од Чешка, објави европскиот систем за брзо предупредување во трговијата со храна.
Пестицидот го открила официјалната контрола на инспекторот на пазарот, а наложено е итно повлекување на сите пекарски производи од продажните места, јавува Даница.
Се посочува дека спорниот производ е всушност брашното. Земја на апликација е Австрија, а потеклото на производот е поврзано со таа земја, но и со Чешка, каде пристигнала пченицата третирана со забранет пестицид.
Пекарските производи, освен во Хрватска, се дистрибуираат и во следните земји: Австрија, БиХ, Бугарија, Костарика, Чешка, Германија, Унгарија, Италија, Романија, Словачка, Словенија, Шведска и Швајцарија.
