Битиќи: Соалицијата на СДСМ вистински и посветено работи, нема да дозволиме повторно да ја втурнат Македонија во темнина!
Koносителот на листата на кандидати за пратеници од Изборна единица 2, предводена од СДСМ и „Коалицијата за европска иднина“, Фатмир Битиќи денеска на прес конференција истакна дека политичката понуда е јасна.
Според него, само нивната коалиција вистински и посветено работи.
„Европа ќе ја донесеме овде, во Македонија. Ќе продолжиме неуморно да се развиваме дома затоа што имаме јасна и остварлива програма за тоа да го постигнеме. Мора сите да сме свесни дека патот до европската интеграција не е лесен и бара многу промени, знаење, посветеност, искуство и искрена намера за тоа да се случи“, вели Битиќи.
Тој додава дека во изминатите години се видело дека во опозицијата се собрани кочничарите на напредокот.
„Немаат план како да продолжи државата напред, но нема да дозволиме повторно да ја втурнат Македонија во темнина“, додаде Битиќи.
