„Бев измамена, само ме искористија“: Првите зборови на Дарја Трепова по апсењето!
Руските безбедносни сили во понеделникот ја уапсија Дарја Трепова, главниот осомничен за убиството на Макс Фомин, попознат како Владлен Третјаков, руски воен блогер кој известува за војната во Украина од 2014 година.
Трепова била уапсена во куќа во која се криела, а била откриена кога започнала детална потрага „од врата до врата“.
Потрагата по нејзините соучесници се уште трае, јавуваат руските медиуми и наведуваат дека таа се обидела да побегне во Узбекистан и дека се наоѓаат во првиот стан што го изнајмила, а се наоѓа во близина на кафулето во кое бил ликвидиран Третјаков.
Експлозијата во кафулето на Универзитетскиот насип во Санкт Петербург се случила во неделата во доцните попладневни часови, во моментот кога Третјаков ја примал повелбата што му ја донела жена. Набргу одекна страшна експлозија во која загина Третјаков, а уште 30 лица беа тешко повредени, од кои 8 се уште се во критична состојба.
За убиството на Третјаков веќе е отворена кривична постапка, а целиот случај е преземен од Истражниот комитет на Руската Федерација, предводен од Александар Бастрикин.
Според достапните информации, Дарија Евгенија Трепова е родена на 16 февруари 1997 година. во Санкт Петербург, државјанин на Руската Федерација. Според руското МДВ, таа била уапсена во февруари 2022 година за учество во антивоени демонстрации во тој град.
