Арслан: И без Хамиди, Шкупи ќе оди на победа!
Желбата е победа, со оглед на тоа дека Шкупи влезе во овој двомеч како екипа со подобар рејтинг, меѓутоа Арслан и неговите играчи имаат еден хендикеп. Ќе им недостасува алжирското крило Валид Хамиди, кој не добил виза.
„Имаме тежок меч пред нас, ние сме неодамна формиран тим, кој стигна до европските натпреварувања, тим кој сака да биде успешен во Европа. Тим сме со многу важна група играчи и сакаме добар резултат на теренот, на најдобриот можен начин. Имаме еден проблем, Валид Хамиди не можеше да дојде со нас бидејќи надлежните институции не му издадоа виза. Мислам дека политиката треба да биде настрана од спортот. Валид не е со нас и жалиме за тоа, но играчите кои се тука ќе го надоместат неговото отсуство и ќе одиме на победа“, вели Арслан..
Во име на играчите, капитенот и голман, Артан Иљази, најави позитивен резултат пред реваншот во Скопје.
„Утре имаме тежок натпревар, нормално ние како екипа сме максимално подготвени за мечот и се надевам дека со позитивен резултат ќе се вратиме во Скопје“., рече Иљази на прес-конференцијата.
