Апел од НП Шар Планина: Внимавајте за време на првомајските празници и не палете оган на отворено
По повод Меѓународниот ден на трудот – 1 Мај, Националниот парк Шар Планина упати јавен апел до сите посетители за одговорно однесување при престојот на планината. Иако граѓаните се добредојдени да ги уживаат природните убавини, од паркот нагласуваат дека заштитата на животната средина и безбедноста мора да бидат приоритет.
Од НП Шар Планина предупредуваат дека и најмалото невнимание може да предизвика катастрофални последици по природата, вклучувајќи и шумски пожари со несогледливи штети. Затоа, институцијата повикува на заедничка грижа и висока свест кај сите посетители со цел зачувување на овој заштитен регион.
