Андоновски во Загреб: Хрватските искуства во е-архивирањето се клучни за македонската дигитална трансформација
Министерот за дигитална трансформација, Стефан Андоновски, во рамки на својата работна посета на Загреб, оствари значајна средба со хрватскиот министер за правда, јавна администрација и дигитална трансформација, Дамир Хабијан. Главни теми на разговорот беа модернизацијата на јавните услуги, зајакнувањето на дигиталната инфраструктура и размената на позитивни практики.
Посебен акцент за време на средбата беше ставен на хрватските постигнувања во делот на дигитализацијата на архивското работење. Министерот Андоновски посочи дека искуствата на Хрватска со е-архивата и системите за управување со документи (DMS) се од суштинско значење за тековните процеси во Македонија.
„Богатото искуство на Хрватска во дигитализацијата на процесите во јавната администрација и правосудството е од исклучително значење. Ова е основа за создавање поефикасна, транспарентна и подостапна администрација за нашите граѓани“, истакна Андоновски.
Двајцата министри ги утврдија следните чекори за продлабочување на билатералните односи:
Покрај билатералната средба, посетата на министерот Андоновски на Загреб вклучува и учество на Форумот на Интернационалната демократска унија (IDU). Како член на Извршниот одбор на оваа организација, тој утре ќе земе учество и на официјалната седница на одборот.
