Агелер заминува од Македонија – Mуцунски на проштална средба – „Благодарам за јакнењето на стратешкото партнерство“
Министерот за надворешни работи, Тимчо Муцунски, денеска оствари проштална средба со амбасадорката на Соединетите Американски Држави во државата, Ангела Агелер, по повод завршувањето на нејзиниот мандат.
Како што соопштија министерот на Фејсбук профилот, на средбата Муцунски изразил благодарност за, како што се наведува, севкупниот ангажман и значајниот придонес на амбасадорката во развивањето на политичката и економската соработка меѓу двете земји, како и за јакнењето на стратешкото партнерство.
Соговорниците изразиле заемно задоволство од континуитетот на политичкиот дијалог на високо ниво и од развојот на билатералната соработка во области од заемен интерес.
На средбата биле разменети и мислења за актуелните геополитички случувања и безбедносни предизвици, при што била потврдена посветеноста на стабилноста на Западен Балкан и сојузништвото во рамките на НАТО.
