Земјотрес со јачина од 5,7 степени ги погоди јапонските острови Рјукју
Земјотрес со јачина од 5,7 степени според Рихтеровата скала вечерва ги погоди јапонските острови Рјукју, соопшти Европскиот медитерански сеизмолошки институт (EMSC).
Земјотресот се случил на длабочина од 41 километар, додава EMSC.
Најблискиот град кој го почувствувал земјотресот е Такуго, каде живеат околу 6.000 жители, а најблискиот поголем град е Кагошима со 550.000 жители.
