За да не се дознае нивното злосторство, брат си ја убил сестра си додека таткото само гледал – тврделе дека починала од колера!
Пакистанската полиција уапси татко и брат, откако на видеото од провинцијата Пенџаб се гледа како братот ја дави сестра си додека таткото гледа, соопштија официјални лица.
Настанот предизвика шок и гнев во нацијата која се бори со бранот на насилство врз жените. 22-годишната жена била убиена од нејзиниот брат додека нејзиниот татко гледал, а непознато трето лице го снимило злосторството, изјави претставник на локалната полиција Рана Акмал.
Инцидентот се случил во градот Тоба Тек Синг минатата недела. Семејството ја закопало жената тврдејќи дека умрела од колера.
Полицијата регистрираше случај во средата откако видеото стана вирално, додаде Акмал.
И таткото и братот ѝ кажале на полицијата дека со години ја силувале жената и ја убиле за да го сокријат своето злосторство, изјави полицискиот претставник Мохамад Имран.
Полицијата го ексхумираше телото во четвртокот за обдукција и ДНК тест за да се потврди силувањето, рече Имран.
Во тек се рации за апсење на лицето кое наводно го снимило злосторството.
Злосторствата против жените, вклучително и девојчето кое беше обезглавено од маж и групното силување на мајката пред очите на нејзините деца на автопат, го шокираа Пакистан во последниве години.
Илјадници силувања се пријавуваат секоја година во Пакистан, но стапката на пресуди е помала од 3 отсто поради недостиг на владеење на правото и нејасни закони, покажува полициската статистика.
