ВУЧИЌ СЕ ПОФАЛИ: За 10 години направивме колку Тито, Милошевиќ и ДОС заедно
За 10 години направивме колку Тито, Милошевиќ и ДОС заедно, вели српскиот претседател Александар Вучиќ.
Вели дека од декември, од 23 декември до денеска или до утре, отвориле вкупно 122 километри автопати и експресни патишта.
„Од 1945 до 2014 година отворивме вкупно 596 километри автопати и експресни патишта, а со ова утре ќе има само 7 километри помалку. Во последните 10 години со ова што ќе го отвориме утре ќе има само 7 километри помалку, 589 километри. Значи, за 10-11 години направивме колку Тито, Милошевиќ и ДОС заедно. И не мислиме дека ќе застанеме, сакаме да продолжиме да градиме, ќе продолжиме до Пожаревац, до Градиште да завршиме, па обиколницата околу Голубац, па кон Брза Паланка, Кладово, Неготин“, изјави српскиот претседател.
Вели дека ова е неверојатно.
