Вонредна состојба на Исланд: Постои опасност од вулканска ерупција

Во Исланд е прогласена вонредна состојба поради опасност од вулканска ерупција, јави Франс прес.

Мерката беше воведена вчера по серијата земјотреси на полуостровот Рејкјанес, југозападно од островската држава во северниот дел на Атлантскиот Океан. Ова предизвика страв од вулканска ерупција, за која Исландската метеоролошка служба вели дека може да се случи „во рок од неколку дена“.

Развиени се планови за евакуација на околу 4.000 жители на рибарскиот град Гриндавик.

Во четвртокот, блиската Сина лагуна, популарна туристичка локација позната по своите геотермални минерални извори, беше затворена како мерка на претпазливост.

Главниот град Рејкјавик се наоѓа на околу 40 километри северно. Од крајот на минатиот месец на полуостровот Рејкјанес се регистрирани околу 24.000 земјотреси.

Во Исланд има 33 активни вулкански екосистеми – најмногу во цела Европа, забележува АФП.

Во својата последна ерупција, во 2010 година, вулканот Ејафјордур практично го запре воздушниот сообраќај во Европа, предизвикувајќи откажување на 100.000 летови, блокирајќи 10 милиони патници.