ВОДЕШЕ КАМПАЊА ОД ПРИТВОР: Градоначалник во Босна победи на изборите
Ибро Берило, градоначалникот на општина Трново во Босна и Херцеговина(БиХ), повторно победи на локалните избори, иако беше во притвор пред и за време на изборите, од каде водеше кампања.
Ибро Берило е во притвор под обвинение за системска корупција. Кандидатот на Партијата за демократска акција (СДА) за градоначалник на општина Трново, со огромно мнозинство победи на локалните избори во таа општина во Босна и Херцеговина (БиХ), што само по себе не би било чудно да не се кандидирал на изборите. Кампањата ја водел од притвор. Тој е во притвор поради злоупотреба на службена положба, пишуваат медиумите од регионот.
Во Босна и Херцеговина вчера се одржаа локални избори. Исклучок се општините каде изборите беа одложени поради поплави и свлечишта: Јабланица, Коњица, Кисељак, Крешево и Фојница.
