Николоски: Брзата пруга приоритет за Македонија и Србија
Министерот за транспорт Александар Николоски по денешната средба помеѓу членовите на Владата на Македонија и делегацијата што ја предводеше српскиот премиер Милош Вучевиќ нагласи дека железничкиот Коридор 10 за воспоставување на брза пруга е приоритет и за Македонија и за Србија.
Министерот е убеден дека помеѓу Скопје и Солун со овој проект же се патува со 200 километри на час.
„Денес во Владата имавме пленарна средба помеѓу делегацијата на Владата на Македонија и Владата на Србија. Заеднички приоритет на двете влади е изградбата на брзата пруга и регионалното поврзување во повеќе сегменти.
Целта е со 200 км на час да се патува помеѓу Скопје и Солун и од таму за Атина и Скопје Белград и од таму за Будимпешта и Виена. Соработката и пријателството помеѓу двете држави е силно и во иднина уште повеќе ќе се продлабочува“, нагласи Николоски.
