Во изминатиот ден 37 пожари, активни само 5!
Центрот за управување со кризи (ЦУК), според стигнатите информации во Секторот за операции и координација, известува дека вчера имало вкупно 37 пожари. Активни од вчерашните се уште 5. По дел од пожарите, што загрозуваа села се дејствуваше и со воздухоплови на ДЗС и МВР, а некаде покрај ПП тимовите во одбрана на селата се вклучи и месно население.
Активните пожари од вчера, се во:
– Општина Македонски Брод, високо над с.Белица, во месноста „Аргулица“ под Солунска Глава на непристапен терен (каде што гори борова шума);
– Општина Штип, кај с.Селце на планинскиот дел Серта од Конечка Планина (нискостеблеста шума);
– Општина Чашка, месност „Горна и Долна Бабина Дупка“ (нискостеблеста шума);
– Општина Долнени, с.Долнени (ниска вегетација) и во
– Општина Куманово, кај с.Лубодраг (ниска вегетација).
