„ВМРО-ДПМНЕ во некои општини ќе победи со разлика 4:1“, рече Мицкоски

Коментирајќи околу следните локални избори, премиерот Христијан Мицкоски коментираше дека „СДСМ ќе бидат непријатно изненадени“ кога во некои општини, победата на ВМРО-ДПМНЕ ќе биде голема.

„Ако тие веруваат дека во некои општини разликата е 2,5:1, тогаш ќе бидат непријатно изненадени, затоа што има општини каде таа ќе биде 4:1. Така што тие кои му ги поттурнуваат анкетите на претседателот на СДСМ не му мислат добро, и мој совет е да ја погледне реалноста, и овие шест месеци колку што остануваат до почетокот на кампањата, мојот совет е СДСМ да се консолидираат и да се реконструираат“, рече Мицкоски.