Владата упатува срдечни и најискрени честитки до граѓаните на САД, по повод Денот на независноста

Декларацијата за независноста не е документ само за инспирација на американскиот народ, туку водилка за луѓето од цел свет во нивната борба за слобода и достоинствен живот.

Северна Македонија и САД, изминативе децении имаат цврсто пријателство кое се преточи во традиција на соработка во областите на добро владеење, почитување на човекови права, безбедност и трговија.

Длабочината на односите меѓу САД и Северна Македонија се гледа во континуираната поддршка во остварувањето на клучните стратешки цели на нашата држава, членството во НАТО, како и несебичната поддршка која сега ја добиваме во клучниот период за Северна Македонија – процесот на евроинтеграции. Веруваме и изразуваме благодарност за заложбите на САД и понатамошна поддршка со развојот на нашето општество.

Честитки за овој значаен ден во историјата на САД!