Владата ќе ја поддржи минималната плата договорена од работодавачите и работниците
Во изјава за медиуми министерката за финансии Гордана Димитриеска Кочоска истакна дека останува на ставот Владата да прифати онолкава минимална плата во државава колкава што ќе договорат работодавачите и работниците.
-Не знам зошто има коментари дека сме биле во судир со синдикатите во однос на минималната плата. Бев многу јасна и кажав – ќе се договорат работодавачите и работниците колку едните можат да испорачаат, а колку другите можат да платат, а за нас ќе биде прифатливо сето тоа што ќе го договорат. Имаат дијалог меѓу себе и што ќе прифатат таму ние сме должни да го обезбедиме, а особено како Министерство за финансии, потенцира Димитриеска Кочоска во одговор на прашање по денешното потпишување Меморандум за соработка со Економскиот факултет во Скопје.
Не би дискутирала понатаму, додаде, да оставиме на дијалогот помеѓу двете страни.
-Што ќе договорат како министер за финансии ќе го почитувам, рече Димитриеска Кочоска.
