ВИДЕО Поранешен шеф на озлогласениот Шин-Бет: Да бев Палестинец ќе се борев против Израел
Поранешниот шеф на израелската внатрешна разузнавачка служба Шин-Бет Ами Ајалон изјави дека ако е Палестинец, ќе се борел против Израел за да добие слобода.
Ајалон во интервју за „ABC News Australia“ ги коментираше монструозните израелски напади во Газа, а израелските министри за национална безбедност и финансии ги нарече „терористи“.
Одговарајќи на прашање за состојбата на Палестинците под израелски напади, Ајалон рече дека Израел ги контролира животите на милиони Палестинци.
„Тоа се животи на луѓе кои сонуваат за слобода, но не ја гледаат. Без разлика дали ни се допаѓа или не, ние ги контролираме животите на милиони овие луѓе“, рече тој.
На прашањето „ако сте Палестинец кој живее во Газа или на окупираниот Западен Брег, каков би бил вашиот став за Израел?“, Ајалон одговори дека ќе се бори за слобода.
„Би се борел против Израел за да се ослободам. Би направил се за да ја постигнам својата слобода“, изјави поранешниот шеф на Шин-Бет.
Тој остро ги критикуваше екстремно десничарскиот министер за финансии на Израел Безалел Смотрич и министерот за национална безбедност Итамар Бен-Гвир.
„Ги гледам како терористи. Тие претставуваат мал дел од израелското општество, но својата моќ ја црпат од коалицискиот владин систем“, рече Ајалон.
Кога новинарот рече дека не разбира зошто Израел мора да убие толку многу палестински деца, Ајалон рече дека е против тоа.
