ВИДЕО Полскиот европратеник полуде – погледнете што направи со знамето на Европската унија
При посета на државна институција во Катовице, Полска, Гжегож Браун го забележал знамето на Европската унија во ходникот.
На контроверзниот полски европратеник од екстремната десница Гжегож Браун, кој се кандидира за претседател на Полска на претстојните избори, во вторникот му беше одземен пратеничкиот имунитет.
Полските власти отворија кривична постапка против Браун во врска со инцидентот во декември 2023 година кога, како пратеник во полскиот парламент, тој употреби апарат за гаснење пожар за да ги изгасне свеќите за Ханука во полскиот парламент како знак на протест против прославата на еврејските празници во Полска.
Браун тврдеше дека Ханука не е религиозна прослава, туку историски настан на странска држава и изрази загриженост за, како што смета, контроверзните изјави и постапки на претставниците на организацијата Чабад-Лубавич, која ја организира годишната прослава на Ханука во полскиот парламент.
Го фрли Божиќното дрво
Поради тоа што политичарот беше избран за пратеник во Европскиот парламент на европските избори во јуни 2024 година, државното правобранителство поднело барање до Европскиот парламент за укинување на неговиот имунитет, пишува Еурактив.
Гжегож Браун се соочува со повеќе обвиненија, вклучително и навреда на религиозна група во полскиот парламент, попречување на предавање за холокаустот во Германскиот историски институт, отстранување на новогодишна елка украсена со ЛГБТ симболи од судот во Краков и фрлање во ѓубре.
Поради сето ова му беше одземен имунитетот. Но, тогаш се случи инцидент. За време на посетата на државна институција во Катовице, Полска, Браун го забележал знамето на Европската унија покрај полското знаме во ходникот. Тој се доближи до знамето, го соблече, а потоа демонстративно го фрли на подот.
„Ваквите амблеми не подлежат на никаква правна заштита на територијата на Република Полска. Ова е Полска, а не Брисел! Извика Браун. Потоа го полил знамето со бензин и го запалил во дворот на установата.
