(ВИДЕО) Мештаните се срамат од Урош и раскажуваат дека семејството било многу проблематично
Луѓето кои го знаат семејството на момчето кое доцна синоќа изврши масакр во Младеновац, немаат пофални зборови за нив. Семејството на Урош Б. е дно, постојано пукаа, убиваа кучиња во селото, сите мораа да ги избегнуваат, раскажуваат соседи.
Инаку, соседите, како што објави Блиц, немале убави зборови за семејството на Урош Б.
„Луѓето се дното на дното! Целото семејство – мајка, татко, брат, снаа и дедото што живее со нив, постојано беа малтретирани. Човекот има над 80 години, оди од куќата до овоштарникот за да избега од нив. Се срамам што се од ова село. Пред неколку години сосед ги пријавил дека пукале, им го одзеле оружјето и по три дена им го вратиле. Тие продолжија да пукаат. Убија кучиња“, вели сосед на семејството.
Велат дека Урош не се дружел со никој во соседството.
„Постојано го возеше тракторот со слушалки во ушите. Не се дружеа со никој во соседството. Слушнав вечерва околу 22, 23 часот, автомобил, на возачот му пукнала гума. Подоцна заспав, а соседот ми се јави околу два часот по полноќ да ја заклучам куќата“, рече соседот на Урош.
Масовниот убиец Урош Б. е уапсен во Крагуевац по осумчасовна потрага. Тој уби 8 лица, а ранети се 14 во две села – Орашје и Дубона кај Младеновац.
Најмладата жртва има 15 години.
Полицијата објави видео од апсењето на Урош.
