(ВИДЕО) ЛИТИЈА НА САНТОРИНИ: Жителите излегоа со икони и мошти од светци за да престанат земјотресите

Жителите на Санторини излегоа со икони и мошти од светци на литија за да престанат земјотресите.

Десетици луѓе од селото Емпорио во Санторини излегоа на улиците, учествувајќи во голема поворка по повод прославата на Свети Хараламбос, но и како израз на молитва за да престанат земјотресите што скоро го погодија островот.

„Свети Хараламбос е за заштита од болести“. Секогаш најдолгата прошетка низ селото ја правевме. Сега тоа е уште една причина зошто таткото рече дека ќе ја правиме оваа литија и за болести и за земјотреси“, вели жител на селото за Прототема.

Во период од 20 минути денеска во морскиот дел меѓу грчките острови Санторини и Аморгос се регистрирани три земјотреси со јачина од 4, 4.3 и 4.9 степени според Рихтер.

Неколку дена жителите немаат мир поради земјотресите. Дури и училиштата беа затворени поради потресите. 

фото принтскрин