ВИДЕО Израел ја нападна иранската државна телевизија за време на пренос во живо!
По објавата на министерот Кац, Израел ја нападна иранската државна телевизија, пренесува AJ.
Израелскиот министер за одбрана Израел Кац изјави дека иранските државни медиуми се на работ на исчезнување поради тековната воена операција, осврнувајќи се на нападите на израелската армија и наредбата издадена за евакуација на жителите на третиот округ на Техеран.
„Мегафонот на пропаганда и поттикнување на Иран наскоро ќе исчезне. Евакуацијата на околните жители започна“, рече Кац, осврнувајќи се на зградата на иранската државна радиодифузна агенција ИРИБ, која се наоѓа во зоната.
Во меѓувреме, Израелските одбранбени сили (ИДФ) издадоа итно предупредување до жителите на поголемиот дел од иранската престолнина, повикувајќи ги веднаш да ја напуштат областа. Набрзо следеше нападот, за време на пренос во живо, во кој водителката мораше да избега бидејќи сè околу неа почна да се урива.
„Во наредните часови, Израелските одбранбени сили (ИДФ) ќе дејствуваат во областа, како што правеа во последните денови низ целиот Техеран, за да ја таргетираат воената инфраструктура на иранскиот режим“, изјави портпаролот на израелската војска, Авичај Адрае, преку мрежата X.
