Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 17-ГОДИШНА ДЕВОЈКА Е ЖРТВАТА ВО ЗАПАЛЕНИОТ АВТОМОБИЛ Нови детали за трагедијата кај Богданци
Македонија

17-ГОДИШНА ДЕВОЈКА Е ЖРТВАТА ВО ЗАПАЛЕНИОТ АВТОМОБИЛ Нови детали за трагедијата кај Богданци

04/11/2026

AA

Само 17 години имала девојката чие изгорено тело беше пронајдено во запален автомобил во близина на местото „Ичева чешма“ во Богданци. Плусинфо неофицијално дознава дека истрагата проверува сомнежи оти малолетничката била жртва на убиство, за кое се поврзува нејзиното 21-годишно момче, кое исто така беше пронајдено мртво на местото на трагедијата.

Според неофицијалните информации до кои дојде Плусинфо, девојката подолг период била изложена на насилство од страна на момчето. Особено вознемирувачки е податокот дека на почетокот на минатиот месец таа го пријавила во полиција поради физички напад.

Од МВР тогаш информирале дека 21-годишниот жител на Богданци бил лишен од слобода по пријава дека ја нападнал својата 17-годишна девојка.

– На 1 октомври 2026 година, во 1:10 часот, во Богданци, полициски службеници од СВР Струмица – ОВР Гевгелија лишиле од слобода 21-годишен жител на Богданци. Според пријавеното, тој на 30 септември 2026 година, околу 21 часот, во неговиот дом физички ја нападнал неговата 17-годишна девојка. За настанот е известен јавен обвинител од Основното јавно обвинителство Гевгелија, а по документирање на случајот ќе биде поднесена соодветна пријава – соопштија тогаш од МВР.

Засега нема информации каква разврска добил овој случај и дали против 21-годишникот била поднесена соодветна пријава.

Во меѓувреме, трагичниот настан што ја потресе јавноста се случи на 3 ноември, кога во близина на „Ичева чешма“, во Горно Село кај Богданци, беа пронајдени две безживотни тела. Телото на 21-годишниот В.Г. било пронајдено покрај опожарениот автомобил, додека второто, целосно опожарено тело, било откриено во внатрешноста на возилото. Плусинфо дознава дека станува збор за 17-годишната девојка.

Според неофицијални и непотврдени информации, 21-годишникот бил пронајден обесен во близина на автомобилот. Околностите под кои настапила смртта на девојката засега не се познати. Со оглед на тоа што нејзиното тело било опожарено, клучни одговори се очекуваат од обдукцијата и дополнителните вештачења.

Од МВР потврдија дека на 3 ноември во 18:40 часот Т.К. од Богданци пријавил дека на местото викано „Ичева чешма“, во Горно Село, забележал опожарено паркирано патничко возило, во чија близина имало безживотно тело.

Полициски службеници од Полициската станица од општа надлежност Гевгелија веднаш излегле на местото на настанот, каде што било утврдено дека покрај опожареното возило има маж кој не давал знаци на живот. Било констатирано дека станува збор за В.Г. (21) од Богданци, а екипа на Итната медицинска помош при ЈЗУ Општа болница Гевгелија ја констатирала неговата смрт.

По локализирањето на пожарот од страна на противпожарната бригада, во внатрешноста на автомобилот било забележано уште едно опожарено тело.

– За настанот веднаш е известен јавен обвинител од ОЈО Гевгелија и извршен е увид. По насоки на јавен обвинител, телата се дадени на обдукција за утврдување на идентитетот, односно за утврдување на причините за смртта. Се преземаат мерки за утврдување на околностите и за целосно расчистување на случајот – соопштија од МВР.

Засега нема официјална потврда за тоа како починала 17-годишната девојка, ниту за околностите под кои избувнал пожарот. Не е потврдено ниту дали претходниот случај на пријавено насилство е поврзан со трагедијата.

НАЈДЕНО ТЕЛО ПОКРАЈ ИЗГОРЕН АВТОМОБИЛ, ДРУГО ВО НЕГО Полиција ги уврдува причините за трагедијата кај Богданци

.

Извор: plusinfo.mk

TACT.mk

Previous post
Next post
Последни Новини
Македонија

НА ВЛЕН МУ ОДГОВАРААТ ПРЕДВРЕМЕНИ, АМА ЗА СТАБИЛНОСТА СЕ ПОТРЕБНИ

09/11/2026
Македонија

ЕУ Ѝ НАНЕСЕ НЕПРАВДА НА МАКЕДОНИЈА Брисел пропушти шанса, некои

09/11/2026
Македонија

ПОЖАРОТ КАЈ БИТ-ПАЗАР Е ПОД КОНТРОЛА Опожарени делови од три

09/11/2026
Македонија

ОПШТИНАТА НЕ Е СПОСОБНА ДА СЕ СПРАВИ СО КРАВИТЕ, ПА

09/11/2026
Македонија

ГИ ГРАДИМЕ ТЕМЕЛИТЕ ЗА СЛЕДНИТЕ ПОБЕДИ Мицкоски на прослава на

09/11/2026
Македонија

ДО ВИКЕНД ТОПЛО И ДОЖДЛИВО, СО ТЕМПЕРАТУРИ НАД 20 СТЕПЕНИ

09/11/2026
Македонија

ГОЛЕМ ПОЖАР КАЈ БИТ-ПАЗАР Гори магацин, огнот го гаснат со

09/11/2026
Македонија

ЗАКОНОТ ЗА ЈАЗИЦИ СЕ ПОЧИТУВА ВО ИЈЗ, ДУИ НАПАЃА ОД

09/11/2026
  • Економија 7906
  • Магазин 4842
  • Македонија 46685
  • Регион 4000
  • Свет 20
  • Спорт 4718
СЛИЧНИ НОВИНИ ЗА ВАС

НА ВЛЕН МУ ОДГОВАРААТ ПРЕДВРЕМЕНИ, АМА ЗА СТАБИЛНОСТА СЕ ПОТРЕБНИ РЕДОВНИ ИЗБОРИ Гаши уверен дека

09/11/2026

Претседателот на Собранието, Африм Гаши, смета дека партиите треба да седнат на разговор за измените на Законот за јавните набавки,

ЕУ Ѝ НАНЕСЕ НЕПРАВДА НА МАКЕДОНИЈА Брисел пропушти шанса, некои работи отидоа предалеку

09/11/2026

Претседателот на Собранието Африм Гаши вели дека Европската Унија сторила неправда кон Македонија со тоа што по потпишувањето на Преспанскиот

ПОЖАРОТ КАЈ БИТ-ПАЗАР Е ПОД КОНТРОЛА Опожарени делови од три куќи, гаснеле 22 пожарникари

09/11/2026

Пожарот што избувна попладнево кај Бит-пазар во Скопје е ставен под контрола. Во интервенцијата учествуваа 9 противпожарни возила и 22

Novina.mk Novina.mk

©2022. All Rights Reserved.

Контакт
Privacy Policy