(ВИДЕО) ИНЦИДЕНТ ВО БЕЧЕЈ: Возач со автомобил се залетал во средношколци кои биле на блокада

Возач со автомобил денеска се залетал во средношколци во Бечеј кои организирале блокада на раскрсница во градот. Ова се случи за време на 15-минутниот молк за 15-те жртви во новосадската трагедија, пишува Автономија инфо.

Инцидентот бил спречен бидејќи во близина имало полициски службеници, по што возачот се вратил во автомобилот и се оддалечил.

Учениците од гимназијата Бечеј кои се на блокада и кои поминаа две ноќи во училиштето, денеска соопштија дека се разочарани од одлуката на Училишниот одбор да продолжи наставата нормално и најавија дека ќе продолжат да ја блокираат наставата. Во Белград и Нови Сад, на студентските протести имаше повеќе слични инциденти. Возачите што удрија во демонстрантите беа уапсени.  Лани на 1 ноември, во Нови Сад се урна натстрешница на железничка станица и загинаа 14 луѓе, а уште едно повредено лице почина подоцна.