Управниот одбор на АД ЕСМ именуваше нови директори
Управниот одбор на АД ЕСМ именуваше нови директори во дел од термоенергетските производствени капацитети во рамките на компанијата.
За директор на подружница РЕК Битола е назначен Тони Петрушевски, дипломиран машински инженер, со претходно работно искуство во приватниот сектор. Досегашниот в.д. директор Иле Костадиновски е назначен за помошник директор за правни, кадровски и општи работи во РЕК Битола. АД ЕСМ се заблагодарува за неговиот ангажман и посветеност во изминатиот период.
За директор на РЕК „Осломеј“, е назначен Сашо Вренцоски, дипломиран економист и истакнат стручен кадар со долгогодишно работно искуство во комбинатот. На директорска позиција во Осломеј е именуван и Агим Садику, дипломиран економист со работно искуство во Управата за јавни приходи.
Бобан Максимовски, со завршени академски студии од областа на менаџмент ќе биде управител на друштвото за производство на топлинска енергија ЕСМ производство на топлина.
АД ЕСМ упатува искрени честитки до новоименуваните директори за нивното поставување на раководните позиции. Компанијата им посакува успех во нивната понатамошна работа и во справувањето со предизвиците што претстојат. Нивниот професионализам и посветеност ќе придонесат за постигнување на целите и унапредување на работата на компанијата.
