Три дискотеки затворени поради неизполнување на техничките услови

Три дискотеки во земјата се затворени бидејќи не ги исполнуваат потребните технички услови за добивање на лиценца за работа. Портпаролката на Владата, Марија Митева, на денешната прес-конференција изјави дека во тек се контроли во уште девет дискотеки кои веќе имаат лиценци.

„На овие три дискотеки ќе им биде одземена лиценцата и ќе им бидат изречени максимални казни. По завршувањето на проверките во објектите со лиценци, ќе започне контрола и на сите оние кои работеле во минатото без соодветни дозволи“, истакна Митева.

Според досегашните контроли спроведени од Пазарната инспекција по трагичниот пожар во кочанската дискотека „Пулс“, во кој загинаа 59 лица на возраст од 14 до 25 години, во целата држава само 22 дискотеки поседуваат важечки лиценци. Дополнително, кај 15 клубови е утврдено дека нивните дозволи се истечени.