Полицијата го уапси градоначалникот на Истанбул во рамките на истрагата за корупција
Турската полиција денеска го уапси градоначалникот на Истанбул, Екрем Имамоглу, популарен опозициски лидер и клучен ривал на претседателот Реџеп Таип Ердоган, како дел од истрагата за „корупција и врски со тероризам“.
Тоа е драматична ескалација на владината акција за потиснување на опозицијата и спротивставените гласови во Турција, пишува агенцијата АП.
Турската државна агенција Anadolu објави дека обвинителите издале налог за апсење на градоначалникот Екрем Имамоглу и околу 100 други лица. Меѓу приведените е и блискиот соработник на Имамоглу, Мурат Онгун.
Властите затворија неколку патишта околу Истанбул и забранија демонстрации во градот на четири дена, како што изгледаше како обид да се спречат протестите по апсењата, додаде АП.
Критичарите велат дека операцијата следи по големите загуби за владејачката партија на Ердоган на изборите во март, поради зголемените повици за предвремени национални избори.
Државните власти велат дека судовите дејствуваат независно и ги отфрлаат тврдењата дека правните дејствија против опозициските фигури се политички мотивирани.
Апсењето е извршено при претрес во домот на Имамогу, но се уште не е јасно дали полицијата однела нешто од таму.
Сопругата на градоначалникот, Дилек Имамоглу, за приватната телевизија Нау изјави дека полицијата пристигнала во нивната куќа пред зори и дека градоначалникот бил однесен околу 7:30 часот.
Универзитетот вчера му ја укина дипломата на Имамоглу, дисквалификувајќи го популарниот опозициски политичар од учество на следните претседателски избори. Универзитетската диплома е задолжителна за да се кандидира на изборите според турскиот закон.
Партијата на градоначалникот, главната опозициска Републиканска народна партија, или ЦХП, требаше да одржи внатрепартиски избори во недела на кои се очекуваше Имамоглу да биде избран за нивен кандидат за претстојните претседателски избори. Следните претседателски избори во Турција би требало да се одржат во 2028 година, но можно е тие да се одржат предвреме По денешните апсења, тешко дека тоа ќе се случи, пишува АП.
