Трамп: Сакам да избегнам конфликт, но можен е израелски напад врз Иран

Американскиот претседател Доналд Трамп денес изјави дека би сакал да избегне конфликт со Иран, додавајќи дека може да се случи израелски напад врз Иран, но дека тоа не е неизбежно.

„Би сакал да избегнам конфликт. Иран ќе мора да преговара малку поостро, што значи дека ќе мора да ни дадат нешто што не се подготвени да ни го дадат во моментов“, рече тој во Белата куќа.

Трамп предупреди дека постои можност за „голем конфликт“, но дека сака да ги реши несогласувањата на „пријателски начин“ преку договор со Техеран, пренесува Ројтерс.