Тошковски за „Сејф Сити“: Граѓаните во пробниот период покажаа дека можат поинаку да учествуваат во регулирањето на сообраќајот
Министерот за внатрешни работи, Панче Тошковски, оцени дека во пробниот период од 15 дена граѓаните покажале дека можат поинаку да учествуваат во регулирањето на сообраќајот.
Тој посочи дека на Клиниката за трауматологија бројот на пациенти со тешки телесни повреди е намален за 20%, додека вкупниот број на донесени пациенти се намалил за 15–20 проценти.
Тошковски уверува дека техничките проблеми ќе бидат надминати до 1 февруари, а со подзаконски акти ќе се утврдат дозволеното пречекорување на брзината и локациите на камерите, со цел намалување на бројот на жртви и повредени.
– Се ревидираат и сообраќајните знаци. Секаде каде што има камера за констатирање на зголемена брзина, знакот задолжително ќе биде усогласен со важечкиот сообраќаен проект, рече министерот.
Тој додаде дека видео записите од камерите ќе се чуваат согласно законските прописи, а граѓаните ќе добиваат информации за прекршоците преку новата апликација на МВР.
