Тошковски: Обдукцијата е завршена, сите жртви идентификувани, 196 повредени во пожарот во Кочани
На денешната прес-конференција, министерот за внатрешни работи, Панче Тошковски денеска изјави дека обдукцијата е завршена, а сите починати лица се идентификувани.
„Повредени се 196 лица, од кои 20 деца. Во моментот 93 повредени се на лекување во скопските болници, а 80 во странство и тоа Србија, Бугарија, Австрија, Хрватска, Турција, Грција, Унгарија и Бугарија“, вели Тошковски.
Кажа дека досега се приведени 18 луѓе, а задржани се 16 лица, од кои што последното задржано лице се товари за тешки дела против општата сигурност, истото е потписник на основен проект за издавање на кабаре-клуб, еден од документите за да биде ставен во функција кабаре – клуб.
