Таравари: Алијанса ниту е такси превоз, ниту е чамец за спасување!
Министерот за здравство и предводник на едното крило на Алијанса за Албанците, Арбен Таравари реагираше на својот Фејсбук профил по повод вчерашните политички случувања.
Како што пишува, неговата партија ја сфаќа судбината на луѓето посериозно отколку другите и стави до знаење дека АА не презема никакви чекори за задоволство или гнев на никого.
„Ние не сме ниту такси што нè користат за превоз, а потоа ни ги одземаат клучевите, ниту чамец за спасување за имиња и презимиња. Ние сме Алијанса за Албанците, работиме само во интерес на народот“, се вели во објавата на Таравари.
