Стејт департмент: Рубио и Лавров разговараа!

Денеска разговараа државниот секретар на Соединетите Американски Држави (САД) Марко Рубио и рускиот министер за надворешни работи Сергеј Лавров, соопшти Стејт департментот, пренесува агенцијата Ројтерс.

За време на разговорот, Рубио го поздрави договорот за размена на затвореници постигнат за време на неодамнешните разговори меѓу Русија и Украина во Турција, изјави портпаролот на Стејт департментот.

Секретарот, исто така, го нагласи повикот на американскиот претседател Доналд Трамп за итен прекин на огнот и прекин на насилството во руската војна во Украина, соопштија од Министерството.

Трамп рече дека тој и рускиот претседател Владимир Путин ќе разговараат во понеделник наутро.