Лавров: Преговорите меѓу Русија и Украина се важни и корисни!
Рускиот министер за надворешни работи Сергеј Лавров денес изјави дека двете рунди преговори меѓу руската и украинската делегација за потенцијално примирје дале конкретни резултати, дека тие биле „важни и корисни“ и оцени дека функционираат.
Зборувајќи на состанокот на рускиот кабинет на министри со претседателот на земјата, Владимир Путин, тој рече дека одбивањето на украинскиот претседател Володимир Зеленски да прекине со огнот на фронтот за да се соберат мртвите и ранетите е „сериозна грешка“, пренесува РИА.
„Верувам дека острото отфрлање на Зеленски е едноставно голема грешка на киевскиот режим“, рече Лавров.
