СРПСКИ СТУДЕНТ: Запревме автобус кој требаше да оди на митингот на Вучиќ во Јагодина
Српскиот студент Вељко Вучетиќ денеска изјави дека толпата запрела автобус кој требало да оди на митинг на српскиот претседател Александар Вучиќ и СНС во Јагодина. Но, полицијата ги растерала.
„Не го запревме сообраќајот, туку еден автобус, стоевме таму 45 минути, и дојде бригада со 60 полицајци“, изјави студентот за Н1 Србија.
Тој додаде дека остануваат во Автокоманда „додека повторно не бидат растерани“.
„Ние стоиме овде без намера да си заминеме. Можам да им се заблагодарам на сите луѓе, студенти, граѓани, што го почитуваа генералниот штрајк, стојат покрај сите нас и постојано не поддржуваат“, кажа студентот.
Протести има откако лани на 1 ноември, се урна натстрешница на Железничката станица во Нов Сад и уби 14 луѓе.
Вучиќ одржува контра митинг во Јагодина. Тој за последните случувања обвини дека се исценирани од надвор со помош на опозицијата од внатре. Како што кажа опозицијата тоа го прави за да дојде на власт без избори, зошто странците сакаат некого што ќе контролираат и што ќе прави како што ќе му кажат. Вучиќ порача дека нема да дојде до промена на власта со сила и протести, и дека нема да дозволи судири и инциденти.
