Средношколец од Прилеп четири години лажно се претставувал како наставник и имал пристап до податоците на сите професори
Прилепската полиција поднесе известување до надлежното обвинителство против ученик во средно училиште од Прилеп, поради сомнение за сторено кривично дело „компјутерски фалсификат“. Ученикот цели четири години успешно маневрирал низ образовниот систем, претставувајќи се како просветен работник, објави СДК.мк
Според информациите од истрагата, пријавениот ученик го користел следниов метод на дејствување:
Со добиените овластувања, средношколецот имал комплетен пристап до податоците на сите професори на ниво на целата држава. Во периодот од 2022 до ноември 2025 година, тој активно ги координирал наставниците и им помагал при водењето на електронските дневници, дејствувајќи како официјално лице од МОН.
Измамата почнала да се разоткрива откако една професорка пријавила дека одредени податоци во електронскиот дневник на нејзиното училиште биле неовластено бришени. Откако поранешната в.д. директорка го информирала „лажниот наставник“ за пријавата, тој веднаш ги избришал сите свои лажни профили на социјалните мрежи. Набрзо потоа бил деактивиран и неговиот службен профил во системот на Министерството за образование и наука.
Извор: Сакам да кажам
