„Срамота – пуштете го, ние ќе му пресудиме“: Бурни реакции на родителите по барањето за ослободување на сопственикот на „Пулс“
На денешното судско рочиште за трагичниот пожар во дискотеката „Пулс“ во Кочани, атмосферата беше исполнета со гнев и револт. Родителите на настраданите бурно реагираа на барањето на одбраната на сопственикот Дејан Јованов-Деко да му биде укината мерката притвор.
Во судницата можеа да се слушнат извици како „Срамота!“ и „Пуштете го, ние ќе му пресудиме!“, откако неговата адвокатка побара тој да биде пуштен на слобода поради влошена здравствена состојба. Поради инцидентите, дел од адвокатите побараа исклучување на јавноста, но судијката само издаде предупредување до присутните.
Одбраната на обвинетите изнесе тврдења кои дополнително ги вознемирија семејствата на жртвите. Според нивните наводи, наводните обдукциски протоколи од Институтот за судска медицина покажале дека кај дел од жртвите имало присуство на алкохол и психоактивни супстанци.
Семејствата на загинатите веднаш ги демантираа ваквите тврдења:
Додека одбраната продолжува да инсистира на куќен притвор за првообвинетиот, семејствата бараат правда и одговорност за трагедијата. Паралелно со овој процес, во Кочани продолжуваат полициските акции поврзани со други кривични дела, вклучувајќи бесправно градење и узурпација на недвижности, што дополнително ја оптоварува локалната јавност.
