Спасовски и Костадиновска-Стојческа на утрена богослужба во храмот на Воскресение во Ерусалим
Министерот за внатрешни работи Оливер Спасовски, министерката за култура Бисера Костадиновска-Стојческа како и Архиепископот Охридски и Македонски г.г.Стефан утрово присуствуваа на утрена богослужба во храмот на Воскресение во Ерусалим.
„Со благослов на неговото блаженство Архиепископот Охридски и Македонски г.г.Стефан црковно-државна делегација престојува во Ерусалим. Во вечерните часови, кога го празнуваме боготелесното погребение и слегувањето во адот на Господа Бога и Спасителот наш Исус Христос, во храмот на Воскресението беше отслужена Утрена богослужба на којашто беа испеани и трите статии со кои го опеваме Христовото опело. На Утрената богослужба чиноначалствуваше Неговата светост патриархот Ерусалимски Теофил со архиереите на Ерусалимската патриаршија.На богослужбата присуствуваше и митрополитот Тетовско-гостиварски г.Јосиф кој со благослов и одлука на САС на МПЦ-ОА ја предводи црковната делегација“, напиша Спасовски.
