Собранието го изгласа новиот Закон за Советот на јавни обвинители: Поголема независност и европски стандарди

Македонското Собрание со 64 гласа „за“ го усвои новиот Закон за Советот на јавни обвинители. Ова законско решение, предложено од Министерството за правда, претставува клучен дел од реформскиот процес во правосудството и е целосно усогласено со европските стандарди и препораки.

Според Министерството за правда, главниот фокус на законот е ставен на три столба: независност, професионалност и транспарентност.

Една од позначајните реформи е воведувањето на јасна двостепеност во дисциплинските постапки, што беше една од директните забелешки на Европската комисија.

„Советот сега ќе одлучува како второстепен орган, а против неговите одлуки е овозможена судска заштита. Со ова се гарантира целосната заштита на правата на јавните обвинители“, појаснуваат од Министерството.

Со цел враќање на довербата во правосудниот систем, новиот закон налага радикално отворање на институцијата:

Овој законски пакет се очекува значително да го подобри квалитетот на правдата и да ги забрза евроинтеграциските процеси во поглавјето „Фундаменти“.