„Синџир нафтени компании се обиделе да ја изиграат државата со даноците“, вели Лукаревска

Заменик претседателката на СДСМ и директорка на Управата за јавни приходи, Сања Лукаревска вечерва во емисијата 24 анализа на ТВ24 истакна дека работат на еден специфичен ланец на нафтени компании кои се обиделе да ја изиграат државата со даноците.

„Ние работиме на еден специфичен ланец компании кои се обиделе да ја изиграат државата и наскоро ќе ја информираме јавноста“, изјави Лукаревска.

Во делот на прибирање на даноци таа е задоволна од приходот кој изнесува 10 милијарди денари за ноември, односно 111 отсто споредено со планираниот, како и споредено со лани.

Таа додаде дека поголеми приходи има не само од ДДВ туку и од приходи на плати.