Шведска го протера човекот кој запали Куран
Шведската агенција за миграција одлучи да депортира Ирачанец кој запали копии од Куранот за време на протестите во Стокхолм во последните месеци, објави денеска шведската ТВ4.
„Агенцијата за миграција одлучи да протера лице од Шведска“, објави телевизијата, додавајќи дека на лицето му била одобрена дозвола за престој во ограничен период за периодот од 25 октомври 2023 година до 16 април 2024 година.
Шведската агенција за миграција во јули соопшти дека ја разгледува дозволата за престој на лицето.
Во август, Шведска ја подигна тревогата за тероризам на второто највисоко ниво и предупреди на зголемување на заканите против Швеѓаните дома и во странство, откако палењето на Куранот ги налути муслиманите и предизвика закани од екстремистите.
Противниците на исламот запалија неколку копии од Куранот во Шведска и Данска.
