СЕМЕЈСТВОТО Е ВО АГОНИЈА: Чувствуваме како да ќе умреме, пет дена не знаеме каде ни е Данка

Семејството на исчезнатото девојче од Бор, Данка Илиќ е во агонија.  Таа има само две години и исчезна во вторникот, по што полицијата трага по неа. 

Истрагата сега се насочи кон испитување на родителите Милош и неговата сопруга Ивана.  Се очекуваат и форензичките наоди од мобилниот телефон на мајката на Данка Илиќ, како и базните станици и камерите за видео надзор.

Некои од нив се дека можеби паднала во блискиот канал долг 4,5 километри, кој полицијата и пожарникарите го прегледаа, но се стравува и од киднапирање.

Нема одговор на прашањето кој би бил мотивот за можното киднапирање на двегодишното дете.

Дедо на двегодишното девојче вели дека веќе не знаат што да прават.

„Чувствуваме како да ќе умреме, пет дена не знаеме каде ни е Данка. Жена ми е болна од стрес, не знаеме веќе што да правиме“,  вели дедото.

Потрагата по девојчето влегува во критична фаза. Српските медиуми претходно објавија дека мајката на Данка на денот на исчезнувањето бришела пораки и повици од мобилниот и тоа се покажало со вештачењето.