ОТФРЕНА ИНИЦИЈАТИВАТА НА СДСМ ЗА ПОЛИТИКИТЕ КОН НЕЛЕГАЛНАТА МИГРАЦИЈА Уставниот суд не најде основа да ја разгледува
Уставниот суд на денешната седница ја отфрли иницијативата поднесена од Социјалдемократскиот сојуз на Македонија (СДСМ) за оценување на уставноста на Резолуцијата за осуда на манипулациите на опозицијата и за потврда на политиките против нелегалната миграција.
Како што соопшти Судот, иницијативата е отфрлена затоа што оспорената резолуција не содржи правни норми што би можеле да бидат предмет на уставно-судска контрола, туку исклучиво декларации од политички карактер кои не уредуваат општествени односи.
Според оценката на уставните судии, Резолуцијата не претставува акт што може да биде предмет на оценување на уставноста и законитоста. Поради тоа, Судот утврдил дека не е надлежен да одлучува по поднесената иницијатива, повикувајќи се на член 38 алинеја 1 од Актот на Уставниот суд.а
.
Извор: plusinfo.mk
