Голем пожар над тетовско Вешала, се бара воздушна поддршка

Центарот за управување со кризи од утрово е во комуникација со институциите и силите за гасење на пожарот над село Вешала во Општина Тетово, што и утрово е се уште активен на недостапен терен, а со засилување на топлиот ветер што го засилува и огнот е зафатена букова шума.

Денескa, утрово, во 06,55 часот екипа од 10 вработени (ренџери) во Националниот парк „Шар планина“ од Тетово отидени на терен за гасење на пожарот. Од Националниот парк се бара и асистенција од другите надлежни институции што порано да се интервенира заради тоа што ренџерите со грбни ПП прскалки („напртњачи“) не ќе можеле да го локализираат пожарот. Од терен е побарана итна воздушна поддршка заради неможноста пожарот да се стави под контрола.

Од ЦУК е побарана воздушна поддршка од ДЗС и МВР, а преку РЦУК Тетово е побарано од пожарникарите од ТППЕ Тетово да пратат камион со вода за ренџерите да имаат повеќе вода за интервенција.

ФОТО: Илустрација