Само Тричковски победи, Стојчевски со Жилина прими „петарда“!
Триумфално помина единствено АЕК Ларнака на Иван Тричковски, на гостувањето кај Жодино од Белорусија, славејќи со 3-2. АЕК имаше водство и од 3-0, но домаќините тргнаа да изедначуваат и успеаја двапати да ја најдат целта. Македонскиот напаѓач влезе во игра во 75. минута.
Од трите порази, најтежок беше оној на Андреј Стојчевски со Жилина, на гостувањето кај Гент, со 1-5. Младинскиот репрезентативец го одигра целиот натпревар во јадрото на одбраната на Жилина, но ни тој ни неговите колега не беа баш ефективни. Жилина го заврши мечот со десетмина, откако во 73. минута исклчен беше Јаворчек. Куриозитетно е тоа што влезе во игра во 64. минута, во 68. го доби првиот жолт картон, а пет минути подоцна му беше покажен излезот од теренот.
Со 1-3 дожиеа и Тирана на гостувањето кај Бешикташ. Беше 2-0 за турскиот гигант, Тирана намали на 2-1, но во судиското продолжение капитулира и третпат одбраната со Дино Најдовски во неа, па задачата во Албанија, во реваншот, ќе биде уште потешка.
Најподнослив беше поразот на Залаегершег, со 0-1 на гостувањето кај Осјек, но Даниел Миловановиќ остана на клупа. Претходно, Спартак Трнава на Милан Ристовски одигра 1-1 кај Ауда во Летонија, а Дебрецен славеше со 1-0 кај Алашкерт во Ерменија, при што Доријан Бабунски се истакна како асистент за победничкиот гол.
