Руте: НАТО нема да дозволи безбедносен вакуум на Балканот
Генералниот секретар на НАТО, Марк Руте, за време на својата официјална посета на Скопје и средбата со претседателката Гордана Силјановска-Давкова, упати силни пораки за важноста на Македонија во Алијансата. Тој го поздрави зголемувањето на буџетот за одбрана, ја нагласи улогата на земјава во регионалната стабилност и се осврна на актуелните глобални безбедносни предизвици, вклучително и ситуацијата со Иран.
Руте ја започна својата изјава со благодарност до претседателката Силјановска-Давкова за гостопримството, нарекувајќи ја Северна Македонија „цврст и ценет сојузник во НАТО“ кој на многу начини придонесува за заедничката безбедност.
Тој особено го истакна придонесот на македонските војници:
Генералниот секретар изрази задоволство што Северна Македонија одвои над 2% од својот БДП за одбрана во 2025 година.
Сепак, тој предупреди дека нема простор за опуштање и дека сите сојузници мора да направат повеќе, пред сè преку зголемување на инвестициите и производството за да се исполнат целите на Алијансата.
Во однос на војната во Украина, Руте ја пофали непоколебливата поддршка од Скопје:
Осврнувајќи се на регионот, Руте нагласи дека Северна Македонија игра суштинска улога во зачувувањето на стабилноста на Западен Балкан, кој е од стратешко значење за Алијансата.
Посебна благодарност Руте упати за долгогодишната поддршка на мировната мисија КФОР во Косово, која, како што рече, продолжува да игра фундаментална улога за трајна безбедност.
На новинарско прашање поврзано со ситуацијата на Блискиот Исток, Руте беше дециден дека НАТО директно не е вклучен во кампањата која ја водат САД и Израел, но нагласи дека треба да се има јасна слика за тоа што се случува.
Околу воените дејствија против Иран, генералниот секретар истакна:
Тој додаде дека многу сојузници во НАТО обезбедуваат клучна логистичка поддршка за кампањата предводена од САД и Израел, и дека чувствува широка поддршка во Европа за елиминирањето на нуклеарната закана од Иран.
За крај, Руте порача дека НАТО е посветен на одбрана на секоја педа сојузничка територија, без разлика од каде доаѓа предизвикот.
