Руските власти ги приведоа адвокатите на опозиционерот Навални

Руските власти денеска приведоа тројца опозициски адвокат Алексеј Навални откако ги пребараа нивните домови, соопштија луѓе блиски до Навални.

Сојузникот на Навални, Иван Жданов, на социјалните мрежи напиша дека тоа е „обид за целосна изолација на Навални“.

Навални е во затвор од јануари 2021 година, каде отслужува 19-годишна затворска казна, но досега можеше да испраќа пораки и да ги следи вестите.

За многу политички затвореници во Русија, редовните посети од адвокатите, особено во оддалечените региони, се единствениот начин да останат во контакт со своето семејство и поддржувачите и да пријават злоупотреба од затворските власти.

Претресот на куќите на Вадим Кобзев, Игор Сергунин и Алексеј Липчер е дел од кривичната постапка под обвинение за учество во екстремистичка група, рече Жданов.

Сите тројца потоа се приведени, очигледно како осомничени во случајот, објави тимот на Навални на Телеграм.

Според Леонид Волков, шефот на кабинетот на Навални, случајот против адвокатот е покренат во време кога лидерот на опозицијата треба да биде префрлен во друга казнена колонија, но не се знае каде.

Волков, кој живее во странство, го нарече „страшен чекор“.