Путин сака повеќе напори и резултати од руската вселенска програма

Рускиот претседател Владимир Путин побара од вселенската индустрија на неговата земја да произведува побрзи и поуспешни комерцијални производи, јави ДПА.

Бројот на руски сателити треба да се зголеми неколку пати, а нивното ставање во орбитата треба да поевтини, изјави Путин за време на посетата на вселенскиот центар во градот Королјов во близина на Москва. Русија, исто така, мора да постигне напредок на полето на лансирните возила за повеќекратна употреба, рече тој.

Првиот сегмент од новата руска вселенска станица што ќе ја замени застарената Меѓународна вселенска станица (ISS) треба да биде лансиран во 2027 година, рече Путин. Тој исто така рече дека руската лунарна програма ќе продолжи и покрај загубата на сондата Луна-25 во август. Првата руска лунарна мисија по речиси пет децении пропадна кога сондата се урна при слетувањето на Месечината. „Грешките се грешки“, рече тој